English (United Kingdom)Lao
ຂ່າວການເຄື່ອນໄຫວ
ກອງປະຊຸມເຜີຍແຜ່ຂໍ້ມູນ ແລະ ປຶກສາຫາລືຂັ້ນເມືອງ ໂຄງການຂຸດຄົ້ນບໍ່ແຮ່ຂອງ ລາວຄາຍຢວນ PDF ພິມ ອີເມລ
ຂຽນໂດຍ ແສງຕາວັນ ກົມມະເມືອງ   
ມື້ອັງຄານທີ່ 05 ກໍລິກົດ 2016 ເວລາ 13: 16

ໃນວັນທີ 15 ມິຖຸນາ 2016, ກປສສ ໄດ້ຈັດກອງປະຊຸມເຜີຍແຜ່ຂໍ້ມູນ ແລະ ປຶກສາຫາລື ຂັ້ນເມືອງ ກ່ຽວກັບ ບົດລາຍງານ ການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດ ( ບປຜສ ) ໂຄງການຂຸດຄົ້ນບໍ່ແຮ່ ເກືອກະລີ ຂອງບໍລິສັດລາວຄາຍຢວນ ຈຳກັດ ຢູ່ທີ່ຫ້ອງວ່າການປົກຄອງເມືອງເຊບັ້ງໄຟ ແຂວງຄຳມ່ວນ.

ໂດຍພາຍໃຕ້ການເປັນປະທານ ແລະ ປະທານຮ່ວມ ຂອງ ທ່ານ ຖາວອນ ວົງໂພສີ,  ຮອງຫົວໜ້າ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ, ທ່ານ ບຸນສີ ພົມມະໄຊ ເຈົ້າເມືອງ ເມືອງເຊບັ້ງໄຟ, ທ່ານ ຈັນ ບຸກຜາລີວັນ ເຈົ້າເມືອງ ເມືອງທ່າແຂກ, ທ່ານສົມມະລາ ອ່ອນສີລິວົງ ຮອງເຈົ້າເມືອງ ເມືອງ   ໜອງບົກ ພ້ອມດ້ວຍແຂກທີ່ຖືກເຊີນ ແລະ ພາກສ່ວນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ. ຈຸດປະສົງ ຂອງການຈັດກອງປະຊຸມໃນຄັ້ງນີ້ ກໍເພື່ອໃຫ້ຜູ້ເຂົ້າຮ່ວມໄດ້ຮັບຟັງການນຳສະເໜີກ່ຽວກັບ ຄວາມໝາຍຄວາມສຳຄັນການມີສ່ວນຮ່ວມຂອງມວນຊົນ ຕໍ່ໂຄງການລົງທຶນ ແລະ ສະພາບລວມການພັດທະນາໂຄງການໂດຍສະເພາະ ແມ່ນ ບົດລາຍງານການປະເມີນຜົນກະທົບຕໍ່ສິ່ງແວດສັງຄົມ ແລະ ທຳມະຊາດ (ບປຜສ)ໃນກອງປະຊຸມໄດ້ມີການປຶກສາຫາລືຢ່າງກົງໄປກົງມາ.

 

LAST_UPDATED2
ອ່ານເພິ່ມເຕິມ...
 
ກອງປະຊຸມເຜີຍແຜ່ຂໍ້ມູນ ແລະ ປຶກສາຫາລືຂັ້ນເມືອງ ໂຄງການຂຸດຄົ້ນ ແລະ ປຸງແຕ່ງແຮ່ທອງ PDF ພິມ ອີເມລ
ຂຽນໂດຍ ແສງຕາວັນ ກົມມະເມືອງ   
ມື້ອັງຄານທີ່ 05 ກໍລິກົດ 2016 ເວລາ 12: 50
ຫວ່າງບໍ່ດົນມານີ້, ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ (ກປສສ) ໄດ້ຈັດກອງປະຊຸມເຜີຍແຜ່ຂໍ້ມູນ ແລະ ປຶກສາຫາລື ຂັ້ນເມືອງ ກ່ຽວກັບ ບົດລາຍງານ ການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດ ( ບປຜສ ) ໂຄງການຂຸດຄົ້ນ ແລະ ປຸງແຕ່ງແຮ່ທອງ ເຂດບ້ານແມ່ ທີ່ຫ້ອງວ່າການປົກຄອງເມືອງຮຸນ ແຂວງອຸດົມໄຊ.

 

LAST_UPDATED2
ອ່ານເພິ່ມເຕິມ...
 
ກອງປະຊຸມປຶກສາຫາລື ວິຊາການ ກ່ຽວກັບ ບປຜສ ໂຄງການພະລັງງານຄວາມຮ້ອນຖ່ານຫີນ PDF ພິມ ອີເມລ
ຂຽນໂດຍ ແສງຕາວັນ ກົມມະເມືອງ   
ມື້ອັງຄານທີ່ 05 ກໍລິກົດ 2016 ເວລາ 12: 37

 

ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ (ກປສສ), ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ໄດ້ຈັດກອງປະຊຸມປຶກສາຫາລື ວິຊາການ ເພື່ອຜ່ານຮ່າງບົດລາຍງານ ໂຄງການພະລັງງານ ຄວາມຮ້ອນຖ່ານຫີນ ຂອງບໍລິສັດ ນໍ້າ ແລະ ໄຟຟ້າສາກົນແຫ່ງປະເທດຈີນ ຂື້ນເປັນເວລາ 2 ວັນ (14-15 ມິຖຸນາ 2016) ທີ່ໂຮງແຮມເພັດເມືອງຊໍາ ແຂວງຫົວພັນ, ນຳພາໂດຍ ທ່ານ ໄຊຍະເວດ ວິໄຊ ຫົວໜ້າ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ ມີຜູ່ເຂົ້າຮ່ວມຈາກ ວິຊາການ ກປສສ, ພະແນກ ຊັບພະຍາກອນທຳມະຊາດ ແລະ ສິ່ງແວດລ້ອມ ແຂວງຫົວພັນ, ຫ້ອງການ ຊັບພະຍາກອນທຳມະຊາດ ສິ່ງແວດລ້ອມ ເມືອງຊຳເໜືອ ແລະ ເຈົ້າຂອງໂຄງການ.

 

LAST_UPDATED2
ອ່ານເພິ່ມເຕິມ...
 
ກປສສ ລົງຕິດຕາມກວດກາສິ່ງແວດລ້ອມໂຄງການ ກໍ່ສ້າງເຂື່ອນໄຟຟ້າເຊຂະໝານ 1 PDF ພິມ ອີເມລ
ຂຽນໂດຍ ແສງຕາວັນ ກົມມະເມືອງ   
ມື້ອັງຄານທີ່ 05 ກໍລິກົດ 2016 ເວລາ 11: 30

ໃນວັນທີ 10 ມີຖຸນາ 2016 ທີ່ຜ່ານມາກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ (ກປສສ) ໄດ້ລົງຕິດຕາມກວດກາສິ່ງແວດລ້ອມໂຄງການ ກໍ່ສ້າງເຂື່ອນໄຟຟ້າເຊຂະໝານ 1 ທີ່ເມືອງຊານໄຊ ແຂວງອັດຕະປື ນໍາໂດຍ ທ່ານຖາວອນ ວົງໂພສີ ຮອງຫົວໜ້າ ກປສສ ພ້ອມດ້ວຍຄະນະທີມງານວິຊາການພາກສ່ວນ ກປສສ, ພຊສ ແຂວງອັດຕະປື, ຫຊສ ເມືອງຊານໄຊ ແລະ ຜູ່ຕາງໜ້າບໍລິສັດໄຟຟ້າເຊຂະໜານ 1.

 

 

 

LAST_UPDATED2
ອ່ານເພິ່ມເຕິມ...
 
ການລົງພາກສະໜາມຕົວຈິງ ແລະ ຈັດກອງປະຊຸມປຶກສາຫາລື ໂຄງການຂຸດຄົ້ນຫີນປະດັບ ເຂດເມືອງຊຽງຄໍ້ ແຂວງຫົວພັນ PDF ພິມ ອີເມລ
ຂຽນໂດຍ ທ. ຈັນທະວີ   
ມື້ພຸດທີ່ 16 ມີນາ 2016 ເວລາ 15: 18

ໂຄງການຂຸດຄົ້ນຫິນ​ປະດັບ (ຫີນ Darh green serpentinite ແລະ ຫີນ piebald serpentinite ແລະ Granite) ມີເນື້ອທີ່ 75 ເຮັກຕາ ຕັ້ງຢູ່ເຂດບ້ານພຽງຍໍາ, ເມືອງຊຽງຄໍ້ ແຂວງຫົວພັນ ຊຶ່ງບໍລິສັດ ລາວປູຍິງ ບໍ່ແຮ່ ຈໍາກັດ  ໄດ້ຮັບສໍາປະທານຂຸດຄົ້ນຈາກລັດຖະບານ. ບໍລິສັດດັ່ງກ່າວ ເປັນບໍລິສັດລົງທຶນ ຈາກ ສປ ຈີນ 100% ໄດ້ຮັບອະນຸຍາດສໍາປະທານ ຂຸດຄົ້ນແຮ່ທອງ, ແຮ່ນິແກນ, ແຮ່ໂກບານ ແລະ ແຮ່ເຫຼັກ ໃນເນື້ອທີ່ 24 Km2 ເຂດເມືອງຊຽງຄໍ້ ແຂວງຫົວພັນ ຊຶ່ງຜ່ານການດໍາເນີນການພັດທະນາໂຄງການ ໄດ້ພົບເຫັນຫີນປະດັບ ຈຶ່ງສະເໜີ ຂໍເພີ່ມແຮ່ຫີນປະດັບ ເຂົ້າໃນສັນຍາຂຸດຄົ້ນ ຂອງບໍລິສັດ. ຊຶ່ງໂຄງການຂຸດຄົ້ນແຮ່ທອງ, ແຮ່ນິແກນ, ແຮ່ໂກບານ ແລະ ແຮ່ເຫຼັກ ແມ່ນໄດ້ມີການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທໍາມະຊາດ ແລະ ໄດ້ຮັບໃບຢັ້ງຢືນກ່ຽວກັບສິ່ງແວດລ້ອມ ໃນປີ 2013. ສໍາລັບແຮ່ຫີນປະດັບ ບໍລິສັດໄດ້ສ້າງ ແຜນການຄຸ້ມຄອງ ແລະ ຕິດຕາມກວດກາສິ່ງແວດລ້ອມສັງຄົມ ແລະ ທໍາມະຊາດ ເພີ່ມເຕີມ ເພື່ອຮອງຮັບການຂຸດຄົ້ນ ແລະ ປຸງແຕ່ງໃຫ້ເໝາະສົມ ສາມາດປ້ອງກັນ, ແກ້ໄຂ ແລະ ຫຼຸດຜ່ອນຜົນກະທົບທີ່ຈະເກີດຂຶ້ນໃນຕໍ່ໜ້າ. ຈາກການສໍາຫຼວດ ຄາດວ່າສາມາດກໍານົດອາຍຸການຂຸດຄົ້ນໄດ້ 21 ປີ ແລະ ຄາດວ່າຈະສາມາດຜະລິດໄດ້ 434.588 m3/ປີ ເພື່ອສົ່ງຈໍາໜ່າຍທັງພາຍໃນ ແລະ ຕ່າງປະເທດ.

ໃນຕອນເຊົ້າຂອງວັນພຸດ ວັນທີ 02 ມີນາ 2016 ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ (ກປສສ) ພາຍໃຕ້ການນໍາພາຂອງທ່ານ ໄຊຍະເວດ ວິໄຊ ຫົວໜ້າ ກປສສ, ໂດຍມີວິຊາການຈາກຂະແໜງການທີ່ກ່ຽວຂ້ອງຂັ້ນສູນກາງ, ແຂວງຫົວພັນ, ເມືອງຊຽງຄໍ້ ພ້ອມດ້ວຍ ບໍລິສັດ ລາວປູຍິງ ບໍ່ແຮ່ ຈໍາກັດ ເຂົ້າຮ່ວມລົງພື້ນທີ່ຕົວຈິງພາກສະໜາມ ເພື່ອເບິ່ງຈຸດປະກົດຂອງແຮ່, ສະພາບສິ່ງແວດລ້ອມສັງຄົມ ແລະ ສິ່ງແວດລ້ອມທຳມະຊາດອ້ອມຮອບເຂດສໍາປະທານ, ສະພາບພຶ້ນທີ່ທຳການຜະລິດ ທີ່ຈະໄດ້ຮັບຜົນກະທົບຈາກການຂຸດຄົ້ນ.

ການລົງກວດກາຕົວຈິງພາກສະໜາມ

LAST_UPDATED2
ອ່ານເພິ່ມເຕິມ...
 
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 1 of 11