English (United Kingdom)Lao
ຍິນດີຕ້ອນຮັບ ເຂົ້າສູ່ເວບໄຊ ຂອງ ກປສສ
ກອງປະຊຸມປືກສາຫາລືຂັ້ນວິຊາການ ກ່ຽວກັບບົດລາຍງານ ການປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມໂຄງການກໍສ້າງສາຍສົ່ງ 230 ກ.ວ, ນາບົງ - ນໍ້າງຶມ1 - ຫີນເຫີບ ຂອງບໍລິສັດລັດວິສາຫະກິດໄຟຟ້າລາວ PDF ພິມ ອີເມລ
ຂຽນໂດຍ ເຈ ລີຈັງ   
ມື້ຈັນທີ່ 29 ກັນຍາ 2014 ເວລາ 08: 58

ຕອນເຊົ້້າຂອງວັນທີ່ 12 ກັນຍາ 2014, ຢູ່ທີ່ທ່າລາດ ແຂວງວຽງຈັນ ໄດ້ເປີດກອງປະຊຸມປືກສາຫາລື ກ່ຽວກັບບົດລາຍງານ ການປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມໂຄງການກໍ່ສ້າງສາຍສົ່ງ 230 ກ.ວ ນາບົງ - ນໍ້າງຶມ1 - ຫີນເຫີບ  ໂດຍພາຍໃຕ້ການເປັນປະທານຂອງ ທ່ານ ໄຊຍະເວດ ວິໄຊ ຫົວໜ້າກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ, ກະຊວງຊັບພະຍາກອນ ທຳມະຊາດ ແລະ ສິ່ງແວດລ້ອມ, ເຊິ່ງມີເຈົ້າເມືອງທຸລາຄົມ, ເຈົ້າເມືອງຫີນເຫີບ, ເຈົ້າເມືອງແກ້ວອຸດົມ, ເຈົ້າເມືອງວຽງຄຳ, ເຈົ້າເມືອງໂພນໂຮງ, ພະແນກຊັບພະຍາກອນສິ່ງແວດລ້ອມແຂວງ, ຫ້ອງການສິ່ງແວດລ້ອມເມືອງ, ກົມຄຸ້ມຄອງທີ່ດີນ, ກົມຊັບພະຍາກອນປ່າໄມ້, ກົມພະລັງງານ  ແລະ ວິຊາການຈາກ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ ລວມທັງໝົດ 40 ຄົນ

 

LAST_UPDATED2
ອ່ານເພິ່ມເຕິມ...
 
ກອງປະຊຸມປຶກສາຫາລື ຂັ້ນແຂວງ/ຂັ້ນສູນກາງ ກ່ຽວກັບ ບປຜສ ຂອງໂຄງການເຂື່ອນໄຟຟ້ານ້ຳຕົກນ້ຳອູ 1 ແລະ ນ້ຳອູ 3. PDF ພິມ ອີເມລ
ຂຽນໂດຍ ບົວລອຍ ອິນທະມີໄຊ   
ມື້ພະຫັດທີ່ 11 ກັນຍາ 2014 ເວລາ 13: 56

ວັນທີ 5 ກັນຍາ 2014 ກອງປະຊຸມປຶກສາຫາລືຂັ້ນແຂວງ/ຂັ້ນສູນກາງ ກ່ຽວກັບ ບົດລາຍງານກນປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດ ຂອງໂຄງການເຂື່ອນ ໄຟຟ້ານ້ຳຕົກ ນ້ຳອູ 1 ແລະ ນ້ຳອູ 3 ໄດ້ຈັດຂຶ້ນທີ່​ຫ້ອງປະຊຸມ ຂອງໂຮງຮຽນທິດສະດີການເມືອງການປົກຄອງ ​ແຂວງຫລວງ​ພະ​ບາງ  ພາຍໃຕ້​ການ​ເປັນ​ປະທານຮ່ວມຂອງ ທ່ານ ສີສະຫວັດ ວິທະໄຊ, ລັດຖະມົນຕີຊ່ວຍວ່າການ ກະຊວງ ຊັບພະກອນທຳມະຊາດ ແລະ ສິ່ງແວດລ້ອມ,     ທ່ານ ດຣ ບົດຄົງ ນາມມະວົງ, ຄະນະປະຈໍາພັກແຂວງ, ຮອງເຈົ້າແຂວງ ແຂວງຫລວງພະບາງ ແລະ ທ່ານ ອັງຟູ ອາລີ, ຄະນະປະຈຳພັກແຂວງ, ຮອງເຈົ້າແຂວງ ແຂວງຜົ້ງສາລີ ໂດຍມີຜູ້ຕາງໜ້າຈາກຂະແໜງການທີ່ກ່ຽວຂ້ອງຂັ້ນສູນກາງ, ແຂວງ ຫລວງພະບາງ, ແຂວງຜົ້ງສາລີ, ເມືອງປາກອູ, ເມືອງງອຍ, ເມືອງໃຫມ່, ເມືອງຂົວ, ເຈົ້າຂອງໂຄງການ ແລະ ບໍລິສັດ ທີ່ປຶກສາດ້ານສິ່ງແວດລ້ອມເຂົ້າຮ່ວມທັງໝົດ 130 ທ່ານ.

ຈຸດ​ປະ​ສົງ ​​ຂອງການຈັດ​ກອງ​ປະຊຸມ ແມ່ນ​ເພື່ອ​ຮັບຟັງການລາຍງານ ກ່ຽວກັບຜົນຂອງການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດ ຂອງໂຄງການເຂື່ອນ ໄຟຟ້ານ້ຳຕົກ ນ້ຳອູ 1 ​ແລະ ນ້ຳ​ອູ 3 ພ້ອມທັງປຶກສາ​ຫາລື ປະກອບ​ຄຳ​ເຫັນ​ໃສ່​ເນື້ອໃນບົດ​ລາຍ​ງານ​ຂອງສອງໂຄງການດັ່ງກ່າວ ໃຫ້ມີເນື້ອໃນ ແລະ ຂໍ້ມູນຄົບຖ້ວນສົມບູນ ກ່ອນການນຳສະເຫນີໃຫ້ການນຳ ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມ ພິຈາລະນາຮັບຕາມຕາມລະບຽບການ.


ຫຼັງຈາກຄະນະຈັດຕັ້ງກອງປະຊຸມ ໄດ້ສະເໜີຈຸດປະສົງຂອງກອງປະຊຸມ, ຄະນະປະທານ ໄດ້ມີຄຳເຫັນ ແລະ ກ່າວເປີດກອງປະຊຸມຢ່າງເປັນທາງການ. ຈາກນັ້ນ, ຜູ້ຕາງໜ້າເຈົ້າຂອງ ໂຄງການໄດ້ສະເໜີສະພາບລວມຂອງໂຄງການ, ຕໍ່​ມາ ຕາງຫນ້າຈາກກຸ່ມບໍລິສັດ ທີ່ປຶກສາແຫ່ງຊາດ ໃນ​ນາມ​ເປັນທີ່ປຶກສາດ້ານສິ່ງແວດລ້ອມໃຫ້ແກ່ໂຄງການໄດ້ ສະເໜີບົດລາຍງານ ການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດ, ແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມສັງຄົມ ແລະ ທຳມະຊາດ ແລະ ການປະເມີນຜົນກະທົບຕໍ່ສິ່ງແວດ ລ້ອມສັງຄົມ ແລະ ທຳມະຊາດ.


ຜ່ານການຮັບຟັງການນຳສະເໜີບົດລາຍງານດັ່ງກ່າວກອງປະຊຸມໄດ້ຍົກ​ເອົາຫຼາຍ​ບັນຫາ​ມາ​ປຶກສາ​ຫາລື​ກັນໂດຍທັງສອງອົງການປົກຄອງແຂວງແມ່ນເຫັນດີເປັນເອກະ ພາບໂດຍພື້ນຖານຮັບຮອງເອົາບົດລາຍງານ ດັ່ງກ່າວ ແລະ ຍັງມີບາງບັນຫາທີ່ຜູ້ພັດທະນາໂຄງການຕ້ອງໄດ້ເອົາໃຈໃສ່ໃນການປະສານງານກັບທ້ອງຖີ່ນເຊັ່ນ: ການທົດແທນຄ່າ ເສຍ ຫາຍ, ພື້ນ ຖານໂຄງລ່າງ ແລະ ແບບເຮືອນ, ການເຜີຍແຜ່ຂໍ້ມູນ ແລະ ການເກັບກຳຂໍ້ມູນຊັບສີນຂອງປະຊາຊົນທີ່ໄດ້ຮັບຜົນກະທົບຄືນໃຫ້ລະອຽດ, ແຜນການຄຸ້ມຄອງ ແລະ ຕິດຕາມກວດກາສິ່ງແວດລ້ອມສັງຄົມ ແລະ ທຳມະຊາດ ພາຍຫຼັງບໍລິສັດ ທີປຶກສາໃນນາມຕາງໜ້າຜູ້ພັດທະນາໄດ້ຊີ້ແຈງ ແລະ  ຍົກໃຫ້ເຫດຜົນ ຄວາມຈຳເປັນໃນການຈັດຕັ້ງ ປະຕິບັດໂຄງການໃຫ້ແຕ່ລະພາກສ່ວນໄດ້ເຂົ້າໃຈ ແລະ ຮັບຊາບຫຼັງຈາກນັ້ນ ຄະນະປະທ່ານ ໄດ້ກ່າວສະຫຼຸບຜົນຂອງກອງປະຊຸມໃນຄັ້ງນີ້ວ່າ: ຜ່ານການສະແດງຄວາມຄິດເຫັນຂອງ ກອງປະຊຸມແມ່ນເຫັນດີສະໜັບສະໜູນ ໂຄງການເຂື່ອນ ໄຟຟ້ານ້ຳຕົກ ນ້ຳອູ 1 ແລະ ນ້ຳອູ 3 ເຊີ່ງຈະປະກອບສ່ວນໃນການພັດທະນາຊີວິດການເປັນຢູ່ຂອງປະຊາຊົນດີຂື້ນ.

ກອງປະຊຸມໄດ້ປິດລົງ ໃນເວລາ 12:00ໂມງຂອງວັນດຽວກັນ.

ໂດຍ: ທ.ຈັນທະວີ

LAST_UPDATED2
 
ກອງປະຊຸມປຶກສາຫາລືຂັ້ນແຂວງ ເພື່ອຜ່ານ ບປຜສ ນ້ຳອູ4 ແລະ ນ້ຳອູ 7 ທີ່ເມືອງບຸນໃຕ້ ແຂວງຜົງສາລີ. PDF ພິມ ອີເມລ
ຂຽນໂດຍ ນ. ຈິດດາວອນ ສີສົມພອນ   
ມື້ພະຫັດທີ່ 11 ກັນຍາ 2014 ເວລາ 13: 47

ໃນຕອນເຊົ້າວັນທີ 3 ກັນຍາ 2014 ກອງປະເມີນຜົນກະທົບຕໍ່ສິ່ງແວດລ້ອມ  ແລະ ສັງຄົມ, ກະຊວງຊັບ ພະຍາກອນທໍາມະຊາດ ແລະ ສິ່ງແວດລ້ອມ ສົມທົບກັບ ບໍລິສັດ ຜະລິດໄຟຟ້າພະລັງນໍ້າ ນໍ້າອູ ຈໍາກັດ, ຜູ້ພັດທະນາ ໂຄງການເຂື່ອນໄຟຟ້ານໍ້າຕົກ ນໍ້າອູ ຈັດກອງປະຊຸມປຶກສາຫາລືຂັ້ນແຂວງ ກ່ຽວກັບບົດລາຍງານການປະເມີນຜົນກະ ທົບຕໍ່ສິ່ງແວດລ້ອມ ໂຄງການໄຟຟ້ານໍ້າຕົົກ ນ້ຳອູ 4 ແລະ ນໍ້າອູ 7 ທີ່ແຂວງຜົ້ງສາລີ. ໂດຍການເປັນປະທານຂອງ ທ່ານ ອັງຟູ ອາລີ, ຄະນະປະຈໍາພັກແຂວງ, ຮອງເຈົ້າແຂວງ ແຂວງຜົ້ງສາລີ. ມີຜູ້ເຂົ້າຮ່ວມຈາກຂະແໜງການທີ່ກ່ຽວ ຂ້ອງຂັ້ນສູນກາງ, ແຂວງຜົ້ງສາລີ, ເມືອງ, ເລຂາພັກບ້ານ, ນາຍບ້ານ, ປະຊາຊົນຢູ່ໃນເຂດພື້ນທີ່ໂຄງການ ແລະ ຕາງ ໜ້າຜູ້ພັດທະນາໂຄງການ ລວມທັງໝົດ 100 ທ່ານ.

ຈຸດປະສົງຂອງກອງປະຊຸມຄັ້ງນີ້ ແມ່ນເພື່ອປຶກສາຫາລື ແລະ ຄົ້ນຄ້ວາປະກອບຄຳຄິດຄຳເຫັນຕໍ່ກັບບົດ ລາຍງານການປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມຂອງໂຄງການໄຟຟ້າ ນ້ຳອູ 4 ແລະ ນ້ຳອູ 7, ໃນນັ້ນໄດ້ ມີການແລກປ່ຽນຄຳຄິດຄຳເຫັນຢ່ງກົງໄປກົງມາ, ມີບາງຄຳເຫັນທີ່ເປັນເອກະພາບໃນກອງປະຊຸມ ແລະ ມີຄຳເຫັນສະ ເໜີໃຫ້ຜູ້ພັດທະນາໂຄງການນຳໄປ ປັບປຸງໃສ່ບົດລາຍງານເຊັ່ນ: ງົບປະມານການຍົກຍ້ານຈັດສັນ, ການເກັບກຳຂໍ້ມູນ ທາງດ້ານຊັບສິນ, ການສົ່ງເສີມອາຊີບໃຫ້ປະຊາຊົນກັບການສ້າງພື້ນຖານໂຄງລ່າງ, ການປະມົງ ແລະ ການມີສ່ວນຮ່ວມໃນການວາງແຜນການຍົກຍ້າຍຈັດສັນ.

 

ຈາກນັ້ນທ່ານປະທານກອງປະຊຸມກໍ່ໄດ້ມີຄຳເຫັນຕີລາຄາກອງປະຊຸມຄັ້ງນີ້ແມ່ນມີຄວາມເປັນເອກະພາບສູງຕໍ່ການສະເໜີຂອງຜູ້ພັດທະນາໂຄງການ ພ້ອມທັງໃຫ້ທິດຊີ້ນຳຜູ້ພັດທະນາໂຄງ ການເອົາໃຈໃສ່ບັນຫາຕ່າງໆ ແລະ ນຳເອົາຄຳເຫັນຈາກກອງປະຊຸມຄັ້ງນີ້ໄປພິຈາລະນາປະກອບເຂົ້າບົດລາຍງານໃຫ້ລະອຽດ ແລະ ຈະແຈ້ງຂື້ນຕຶ່ມ. ກອງປະຊຸມໄດ້ປິດລົງໃນເວລາ 12:30ໂມງ ຂອງເວລາດຽວກັນ.

ໂດຍ: ນ.ຈິດດາວອນ

LAST_UPDATED2
 
ກອງປະຊຸມເຜີຍແຜ່ຂໍ້ມູນ ແລະ ປຶກສາຫາລືຂັ້ນເມືອງ ກ່ຽວກັບ ບົດລາຍງານການປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະຊາດ ໂຄງການຂຸດຄົ້ນ ແລະ ປຸງແຕ່ງເກືອກາລີ ບ້ານພ້າວ PDF ພິມ ອີເມລ
ຂຽນໂດຍ ພົນຍະລິດ ໄຊເມືອງຄົມ   
ມື້ພະຫັດທີ່ 11 ກັນຍາ 2014 ເວລາ 13: 08

ກອງປະຊຸມເຜີຍແຜ່ຂໍ້ມູນ ແລະ ປຶກສາຫາລືຂັ້ນເມືອງ ກ່ຽວກັບ ບົດລາຍງານການປະເມີນຜົນກະທົບ ຕໍ່ສິ່ງແວດລ້ອມສັງຄົມ ແລະ ທຳມະຊາດ ໂຄງການຂຸດຄົ້ນ ແລະ ປຸງແຕ່ງ ເກືອກາລີ-ແມັກ ນີຊຽນ 1 ລ້ານໂຕນຕໍ່ປີ ຂອງບໍລິສັດ Sichuan Above Advantage Lomon (Lao) SOLE ຈຳກັດ, ເຊິງໄດ້ຈັດຂື້ນໃນວັນທີ່ 05 ກັນຍາ 2014 ທີ່ຫ້ອງການປົກຄອງ ເມືອງປາກງຶ່ມ, ນະຄອນຫຼວງ ວຽງຈັນ ໃຫ້ກຽດເປັນປະທານໂດຍ ທ່ານ ກອງມີ ສີສະມຸດ ຮອງເຈົ້າເມືອງເມືອງປາກງຶ່ມ, ມີທ່ານຮອງຫົວໜ້າພະແນກຊັບພະຍາກອນ ທຳມະຊາດ ແລະ ສິ່ງແວດລ້ອມ ແລະ ພະແນກພະລັງງານ ແລະ ບໍ່ແຮ່ນະຄອນຫຼວງວຽງຈັນ, ຫົວໜ້າ ແລະ ຮອງຫົວໜ້າຫ້ອງການທີ່ກ່ຽວ ຂ້ອງອ້ອມຂ້າງເມືອງປາກງຶ່ມ, ຕາງໜ້າກອງປະເມີນ ຜົນກະທົບຕໍ່ສິ່ງແວດລ້ອມ ແລະ ສັງຄົມ, ຄະນະກຸ່ມ ບ້ານທີ່ ກ່ຽວຂ້ອງ ແລະ ຕາງໜ້າປະຊາຊົນຈາກບ້ານທີ່ໄດ້ຮັບຜົນກະທົບ ແລະ ບ້ານໃກ້ຄຽງ, ຕາງໜ້າບໍລິສັດທີ່ ປຶກສາ ແລະ ຜູ້ພັດທະນາໂຄງການເຂົ້າຮ່ວມຢ່າງພ້ອມພຽງ.

ໃນກອງປປະຊຸມຄັ້ງນີ້, ໄດ້ຮັບຟັງການສະເໜີກ່ຽວກັບການມີສ່ວນຮ່ວມຂອງມວນຊົນຕໍ່ໂຄງການລົງທຶນ, ຮ່າງບົດລາຍງານການຍປະເມີນຜົນກະທົບຕໍ່ສິ່ງແວດລ້ອມສັງຄົມ ແລະ ທຳມະ ຊາດ ແລະ ແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມສັງຄົມ ແລະ ທຳມະຊາດ. ຫຼັງຈາກນັ້ນ, ກໍ່ໄດ້ພ້ອມກັນປຶກສາຫາລື ແລະ ປະກອບ ຄຳເຫັນຕໍ່ຮ່າງບົດລາຍງານ ແລະ ແຜນການດັ່ງກ່າວ ເພື່ອຮັບປະກັນໃຫ້ບົດລາຍງານມີເນື້ອໃນຄົບຖ້ວນສົມບູນ ເຊິ່ງ ຜູ້ແທນກອງປະຊຸມໄດ້ໃຫ້ຄວາມສົນໃຈກ່ຽວກັບບາງບັນຫາສຳຄັນເປັນຕົ້ນ: ການນໍາໃຊ້ນໍ້າ ທີ່ຢູ່ພາຍ ໃນເຂດທີ່ຕັ້ງ ໂຮງງານ, ວິທີການບຳບັດນ້ຳເສຍໃຫ້ກັບມານຳໃຊ້ໃໝ່ ແລະ ປ້ອງກັນບໍ່ໃຫ້ນ້ຳເສຍດັ່ງກ່າວໄຫຼລົງໄປໃສ່ແຫຼ່ງທຳມາ ຫາກິນຂອງປະຊາຊົນໃນຂົງເຂດດັ່ງກ່າວ;

ພ້ອມທັງໄດ້ເວົ້າເຖິງການພັດທະນາຊີວິດການເປັນຢູ່ຂອງປະຊາຊົນໃນຂົງເຂດນັ້ນໃຫ້ມີຊີວິດການເປັນຢູ່ທີ່ດີກ່ອນ ເກົ່າເຊັ່ນ: ການນຳໃຊ້ແຮງງານປະຊາຊົນເຂົ້າໃນການຜະລິດ, ຍົກລະດັບ ການສຶກສາຂອງລູກຫຼານໃນຂົງເຂດດັ່ງກ່າວ ໃຫ້ມີການສຶກສາທີ່ດີກ່ອນເກົ່າ, ໃຫ້ມີການປັບປຸງຂໍ້ມູນຂອງບົດລາຍງານໃຫ້ຊັດເຈນຕື່ມ, ໃຫ້ສຶກສາກ່ຽວກັບຜົນຜະ ລິດຂອງປະຊາຊົນກ່ອນດຳ ເນີນໂຄງການ, ແຫຼ່ງລາຍຮັບມີຫຍັງແດ່,  ທາງດ້ານສຸຂະພາບຂອງປະຊາຊົນ ແລະ ການ ທົດແທນຄ່າເສຍຫາຍໃຫ້ສຳຫຼວດຄືນເນື້ອທີ່ດິນປະຊາຊົນໃຫ້ຈະແຈ້ງ

ໂດຍ: ທ.ພົນຍະລິດ

LAST_UPDATED2
 
ການແຂ່ງຂັນກິລາບານເຕະສາມັກຄີພາຍໃນ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ(ກປສສ) ແລະ ກົມກອງອ້ອມຂ້າງ ກຊສ PDF ພິມ ອີເມລ
ຂຽນໂດຍ ວົງໄຊ ສຸລິຍະວົງ   
ມື້ຈັນທີ່ 25 ສິງຫາ 2014 ເວລາ 14: 13

ໃນຕອນແລງຂອງວັນທີ 22 ສິງຫາ 2014 ເວລາ 15: 00 ໂມງ ໄດ້ຈັດການແຂ່ງຂັນກິລາບານເຕະມິດຕະພາບ ເພື່ອຮັດແໜ້ນຄວາມສາມັກຄີພາຍໃນ ກປສສ ແລະ ກົມກອງອ້ອມຂາງ ກຊສ. ໃນການແຂ່ງຂັນຄັ້ງນີ້, ມີທີມບານເຕາະແມ່ຍິງພາຍໃນຂອງ ກປສສ ໄດ້ແຂ່ງຂັນກັນ ​ລະຫວ່າງເອື້ອຍນ້ອງຍິງ ຈາກສູນ​ບໍ່​ແຮ່, ສູນ​ຂໍ້​ມູນ ແລະ ພະ​ແນ​ກ​ແຜນການ ພົບກັບ ສູນກະສິກຳ, ສູນພະລັງງານ ແລະ ພະແນກຕິດຕາມ. ສ່ວນທີມບານເຕະຊາຍ ກປສສ ພົບກັບ ທີມບານເຕາະ ກົມຈັດຕັ້ງ ແລະ ພະນັກງານ. ເຊິ່ງຜົນການແຂ່ງຂັນກິລາບານເຕະມິດຕະພາບທັງສອງຄູ່ ມີຄື:

ຜົນການແຂ່ງຂັນທິມບານ​ເຕະຍິງ ພາຍໃນ ກປສສ ​ບັນຍາກາດການແຂ່ງຂັນທັງສອງທີມກໍ່ໄດ້ເອົາໃຈໃສ່ຢ່າງເຕັມທີ່ ແຕ່ທີມບານເຕະ ສູນ​ບໍ່​ແຮ່, ສູນ​ຂໍ້​ມູນ ​ແລະ ພະ​ແນ​ກ​ແຜນການ ສາມາດຍາດເອົາໄຊຊະນະ​ໄປໄດ້ 3 ປະຕູ ຕໍ່ 2.

ທີ​ມນັກ​ກິລາ​ບານ​ເຕະ​ຍິງທີ່​​ໄດ້​ຮັບຊະນະ​ໃນ​ຄັ້ງ​ນີ້​ແມ່ນ ສູນ​ບໍ່​ແຮ່, ສູນ​ຂໍ້​ມູນ ​ແລະ ພະ​ແນ​ກ​ແຜນການ

ທີ​ມບານ​ເຕະ​ຊາຍ ລະຫວ່າງ ກປສສ ກັບ ກົມ​ຈັດ​ຕັ້ງ ​ແລະ ພະນັກງານ, ບັນຍາກາດ​ໃນ​ການ​ແຂ່ງຂັນ

ຜົນການແຂ່ງຂັນທິມບານ​ເຕະຊາຍ ທັງ​ສອງ​ຝ່າຍ​ກໍ່​ໄດ້​ເອົາ​ໃຈ​ໃສ່​ຢ່າງ​ເຕັມທີ ​ແລະ ​ໃນ​ທີ່​ສຸດທີ​ມຂອງ ກປສສ ກໍ່​​ສາມາດ​ຍາດ​ເອົາ​ໄຊຊະນະ​ມາ​ໄດ້ 1 ປະຕູ ຕໍ່ 0.

ໂດຍ: ທ. ວົງ​ໄຊ

LAST_UPDATED2
 
ໜ່ວຍພັກ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ ເຜີຍແຜ່ເຊື່ອມຊຶມເອກະສານຂອງພັກ ແລະ ມູນເຊື້ອຂອງຊາດ PDF ພິມ ອີເມລ
ມື້ຈັນທີ່ 25 ສິງຫາ 2014 ເວລາ 10: 20

ໃນວັນສຸກທີ່ 22 ສິງຫາ 2014 ເວລາ 08:00ໂມງ ໜ່ວຍພັກ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ ໄດ້ຈັດຕັ້ງການເຜີຍແຜ່ເອກະສານຂອງພັກ ແລະ ມູນເຊື້ອຂອງຊາດ ໃຫ້ແກ່ ພະນັກງານ, ສະມາຊິກພັກ ແລະ ພະນັກງານ ຕາມສັນຍາ ພາຍໃນ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ. ເປັນກຽດການເຜີຍແຜ່ ເອກະສານໂດຍ ທ່ານ ຖາວອນ ວົງໂພສີ ຮອງເລຂາໜ່ວຍພັກ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ.

 

LAST_UPDATED2
ອ່ານເພິ່ມເຕິມ...
 
ການແຂ່ງຂັນກິລາມິດຕະພາບເພຶ່ອສ້າງຄວາມສາມະຄີ ລະຫ່ວາງ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ. ພົບກັບ ກົມ ຊັບພະຍາກອນນ້ຳ PDF ພິມ ອີເມລ
ຂຽນໂດຍ ພົນຍະລິດ ໄຊເມືອງຄົມ   
ມື້ອັງຄານທີ່ 19 ສິງຫາ 2014 ເວລາ 15: 26

ພາບການແຂ່ງຂັນກິລາມິດຕະພາບເພຶ່ອສ້າງຄວາມສາມະຄີ  ລະຫ່ວາງ ກອງປະເມີນຜົນກະທົບຕໍ່ສິ່ງແວດລ້ອມ ແລະ ສັງຄົມ ພົບກັບ ກົມ ຊັບພະຍາກອນນ້ຳ ໃນວັນທີ 15 ສີງຫາ 2014

LAST_UPDATED2
ອ່ານເພິ່ມເຕິມ...
 
ບົດຄວາມ ອື່ນ ໆ...
<< ເລີ່ມຕົ້ນ < ຖອຍຫຼັງ 1 2 3 4 5 6 7 8 9 10 ຕໍ່ໄປ > ສຸດທ້າຍ >>

Page 10 of 15